Արարատ մարզը շատ գեղեցիկ և մեզ շատ հարազատ մարզ է։ Արարատի մարզում է գտնվում Արատես գյուղը, որտեղ մեր կրթահամալիրը իրականացնում է տարբեր տեսակի ճամբարներ։ Մարզկենտրոնն Արտաշատն է։ Տարածքը 2096 կմ² է։
Արարատի մարզը գտնվում է Հայաստանի հարավ-արևմուտքում։ Սահմանակից է Արմավիրի մարզին, Երևանին, Կոտայքի մարզին, Գեղարքունիքին, Վայոց ձորին, Ադրբեջանի մասը կազմող Նախիջևանին և Թուրքիային։ Մարզը ունի շատ գետեր։ Հյուսիսում Երանոսի լեռնագոտին է։ Մարզի կենտրոնում կան շատ լեռնազանգվածներ։ Տարածքի ամենացածր կետը Արաքսի հունի մոտ է՝ 801 մ։ Ամենաբարձր կետը հյուսիս-արևելքում գտնվող Սպիտակասարն է՝ 3555,7 մ։ Տարածքի միայն մոտ 30%-ն է հարթավայրային։
Մարզի խոշոր գետերն են Արաքսը, Հրազդանը, Ազատը, Վեդին։ Մարզում կառուցված է Զովաշենի ջրամբարը։
Արարատի մարզում տարեկան միջին ջերմաստիճանը ցածրադիր է։ Ընդհանուր առմամբ Արարատի մարզն աչքի է ընկնում կլիմայի չորությամբ։
Արարատի մարզը տնտեսապես Հայաստանի ամենազարգացած մարզերից է։ Հիմնական պտղատու այգիներն են խաղողի, ծիրանի, դեղձի այգիները, մշակվում են նաև կեռաս, սալոր, խնձոր, տանձ և այլն։
Մարզը նաև ալկոհոլային խմիչքներով է զբաղվում։ Հիմնականում արտահանում են կոնյակ, գինի, օղի։ Զբոսաշրջային խոշոր կենտրոնն է Խոր Վիրապի վանական համալիրը։