Ինձ միշտ հետաքրքրել է այն փաստը, թե ինչպիսին է Մայր դպրոցի միջավայրը, ուսուցիչները և սովորողները։ Սեպտեմբերից ի վեր ես արդեն գտնվում եմ Մայր դպրոցում։ Առաջին օրերը ես չէի հավատում, որ գտնվում էի Մայր դպրոցում, կարծես երազում լինեի, բայց հետո Մայր դպրոցում գտնվելը դարձավ սովորական և հաճելի։
Ես միշտ երազել եմ սովորել օտար լեզու և այս ուսումնական շրջանին կատարվեց իմ երազանքը։ Ես դպրոցում սկսեցի սովորել իսպաներեն լեզուն։ Ինձ շատ է դուր եկել այդ լեզուն և փորձում եմ անել ամեն ինչ, որպեսզի կարողանամ լավ տիրապետել այդ լեզվին։ Ահա իսպաներենի բաժնի հղումը։
Մասնակցել եմ բազմաթիվ նախագծերի, որոնցից է իսպաներենի դասաժամի նախագիծը։ Այդ նախագծի շրջանակներում պետք է ընտրեինք մեկ իսպանախոս երկիր և գրեինք այն մասին, թե ինչպես են այդ երկրում նշում Ամանորը։ Ինձ այս նախագիծը շատ է դուր եկել։ Ահա իմ և Նանեի աշխատանքի հղումը։
Նաև ստեղծել եմ մի քանի անհատական նախագծեր, որոնցից մեկի մասին հիմա կխոսեմ։ Ես ստեղծել եմ նախագիծ երաժշտության մասին։ Նպատակն այն է, որպեսզի սովորողները ավելի շատ բան իմանան երաժշտության մասին և նրանց մոտ ավելի մեծանա սերը որակյալ երաժշտության հանդեպ։ Ահա իմ նախագծի հղումը։
Այս ուսումնական շրջանի ընթացքում դեռ չեմ հացրել կարդալ գրքեր, բայց շուտով գրադարանից վերցնելու եմ մի հետաքրքիր և արկածային գիրք։ Ցանկություն ունեմ ընտրել Ռոալդ Դալի գրքերից որևէ մեկը, քանի որ իր գրքերը իմ կարծիքով շատ արկածային են և հետաքրքիր։ Ամառային արձակուրդների ընթացքում կարդացել եմ Ռոալդ Դալի գրքերից մեկը՝ «Չարլին և շոկոլադե գործարանը»։ Ինձ այս գիրքը շատ է դուր եկել և դրանով ոգեշնչված ուզում եմ կարդալ Ռոալդ Դալի մյուս գրքերը։
Այս ուսումնական շրջան ես արել եմ նաև վատ բաներ, որոնց համար ես զղջում եմ և կփորձեմ մյուս ուսումնական շրջանին այդպիսի բաներ չանել։ Ես այս ուսումնական շրջան անընդհատ բոլորից նեղանում էի և դա իմ ամենավատ բնավորությունն է։ Մյուս ուսումնական շրջանի ընթացքում կփորձեմ այդպիսի բաներ չանել, քանի որ այդպես ես կորցնում եմ իմ ամենալավ և մոտիկ ընկերներին։